Ndonëse larg nga Prishtina e zhurma e saj, fshati Orllan në kufi me Serbinë nuk ka mbetur anash ngjarjeve të fundit në Kosovë.

Përhapja e sëmundjes që tashmë ka përfshirë botën Covid-19, ka prekur edhe këtë vend ndonëse jo në mënyrë direkte.

Dikur ky fshat që përveç bukurisë dhe peizazhit që ka falur natyra ka edhe liqenin artificial tashmë ka humbur  gjallërinë e dikurshme.

Heshtja tashmë ka rënë.

Edhe ata pak banorë që kanë mbetur  janë mbyllur nëpër shtëpitë e tyre pas vendimit të Institucioneve Shëndetësore për kujdes dhe mos lëvizje si shkas për mos përhapjen e këtij virus duke kufizuar lëvizjet e tyre.

Kryetari i këtij fshati Nuhi Selimi ka treguar për arbresh.info se banorët e këtij fshati kanë probleme me sigurimin e miellit në këtë kohë të gjendjes emergjente.

“Nuk janë të përgatitur sa duhet sidomos me miell. Është gjendje e vështirë e ne veçanti për sigurimin e miellit. Nga rasti i djeshëm ku kanë kërkuar të vendoset gjendja e jashtëzakonshme banoret janë të shqetësuar pasi që nuk e din se si do të furnizohen me gjëra esenciale ushqimore”.

Tutje ai ka treguar se ndonëse dyqanet e vogla në këtë fshat janë të furnizuara mirë deri tash, Selimi thekson se deri më tani gjendjen janë duke e përcjellur se bashku me shtabin e emergjencës së Komunës së Podujevës.

“Situata është duke u përcjell në bashkëpunim më shtabin komunal nga Komuna e Podujevës. Këtu në këtë fshat të vogël shitoret e vogla që gjenden janë të pajisura mirë me gjëra esenciale nga të cilat banorët po furnizohen”.

Kujtojmë se në Kosovë nga pandemia e virusit Covid-19 deri më tash numri i të prekurve ka shkuar në 19 raste.

Ndërsa Presidenti i vendit ka kërkuar të shpallet gjendje e jashtëzakonshme në Kosovë, por që pritet të marrë miratim e Kuvendit./arbresh.info/